भरतपुरमा एक पुरुष झुण्डिएको अवस्थामा मृत फेला

Prabhu Bank

काठमाण्डौ । चितवनको भरतपुर महानगरपालिका ३ लायन्स चोकमा एक पुरुष झुन्डिएको अवस्थामा मृत फेला परेका छन् । जिल्ला प्रहरी कार्यलय चितवनका अनुसार मृतकको परिचय खुलेको छैन।

Saftey Pads

अन्दाजी ३५ वर्षीय पुरुष लायन्स चोकस्थित पुरानो सम्ब्जीमण्डीको २ तले भवनको माथिल्लो तलामा कपडाको डोरीमा झुण्डिएको अवस्थामा मृत फेला परेका हुन् । शनिबार बिहान ९ बजेको समयमा खबर आएपछि प्रहरीले तत्काल घटनास्थलमा मुचुल्का उठाइ अहिले शब भरतपुर अस्पतालको शब गृहमा लगिएको छ।

मृतक व्यक्तिको शरीरमा कुनै चोटपटक नदेखिएको प्रहरिले जनाएको छ। स्थानीयले यसअघि ती व्यक्तिलाई कहीँ कतै नदेखिएको बताएका छन्। घटना के कसरी भएको भन्ने बारे थप अनुसन्धान भइरहेको प्रहरीले जनाएको छ।

अन्य सम्बन्धित समाचार:  र्‍यापर भीटेनलाई कारबाही गर्न प्रहरी हेडक्वार्टरको निर्देशन
Maruti Cement