जबर्जस्ती मदिरा खुवाएर दलित बालिका बलात्कार, एक सातापछि प्रहरीमा उजुरी दर्ता

Prabhu Bank

काठमाण्डौ । मजदुरी गर्ने दलित बालिकालाई मदिराले लठ्याएर बलात्कार गरेको घटनामा प्रहरीले एक हप्तापछि उजुरी दर्ता गरेर अनुसन्धान सुरु गरेको छ। पीडकविरुद्ध मङ्गलबार जबरजस्ती करणीको उजुरी दर्ता भएको हो ।

Saftey Pads

पीडित परिवारले उजुरी दिनै ढिलो गरेकाले दर्ता पनि ढिलो भएको जिल्ला प्रहरी कार्यालय सप्तरीका डीएसपी भावेश रिमालले बताए । बालिकाको सोमबार राति गजेन्द्र नारायण सिंह स्वास्थ्य विज्ञान प्रतिष्ठानमा स्वास्थ्य परीक्षण गराइएको प्रहरीले जनाएको छ।

तिलाठी कोइलाडी गाउँपालिका–७ वभनगामा कट्टीस्थित लक्ष्मीबल्लभ नर्सिङ माविको प्राङ्गणमा निर्माण भइरहेको भवनमा मजदुरी गर्ने १४ वर्षीया बालिकाको गत बुधबार साँझ बलात्कार भएको थियो। उपप्रधान एवं स्वास्थ्य तथा जनसङ्ख्या मन्त्री उपेन्द्र यादवको पहलमा उपलब्ध भएको करिब ३ करोड रुपैयाँको बजेटमा उक्त भवन निर्माण भइरहेको हो।

अन्य सम्बन्धित समाचार:  कन्टेनरको ठक्करबाट एक पैदल यात्रुको मृत्यु

घटनामा विद्यालयका कार्यालय सहयोगी शिवशङ्कर मण्डल र भारतीय मजदुरको नेतृत्व गरेका अर्का एक मजदुरको संलग्नता रहेको जनाइएको छ। बालिकाकै छिमेकी एक महिला पनि घटनाको मुख्य योजनाकारका रुपमा रहेको स्थानीयले आरोप लगाएका छन्।

प्रहरीले आरोपीहरू फरार भएकाले सबैको खोजी भइरहेको जनाएको छ। मजदुरको नेता नै फरार भएपछि अन्य कामदारसमेत भागेकाले निर्माणको काम प्रभावित भएको छ।  प्रहरीले सोधपुछका लागि छिमेकी महिलालाई भने नियन्त्रणमा राखेको छ। पीडितले तिनै महिलाले फकाएर आफूलाई मजदुरीमा लगेको र बुधवार साँझ जबरजस्ती मदिरा खुवाएर अचेत बनाई घटना गराएको कोइलाडी बरसाइन प्रहरी चौकीमा बताएकी छिन्।

Maruti Cement