सुनसरीमा ८ सय १५ घर डुबानमा, ३ सय २५ घरपरिवार विस्थापित

Prabhu Bank

काठमाण्डौ । अविरल बर्षाका कारण सुनसरीमा ८ सय १५ घर डुबानमा परेका छन् । डुबानका कारण सुनसरी सदरमुकाम इनरुवा, इटहरी उपमहानगरपालिका, दुहबी नगरपालिका, हरिनगर, गढी, कोसी, बर्जु र देवानगन्ज गाउँपालिकाका जलमग्न भएका हुन्।

Saftey Pads

बाढी तथा डुबानका कारण जिल्लामा ३ सय २५ घरपरिवार विस्थापित भएका छन् । निरन्तर पानी परिरहेकाले उद्धारमा समेत कठिनाई भएको छ । विस्थापित परिवारलाई छिमेकी, विद्यालल र सामाजिक संघसस्थाका भवनमा राखिएको सुनसरीका प्रहरी प्रमुख एसपी यज्ञविनोद पोखरेलले जानकारी दिए ।

बाढीले इनरुवा नगरपालिकाको बवियाका दर्जनौं घर डुबानमा परेको स्थानीय जयकृष्ण यादवले बताए । हरिनगरमा ढल निकास नभएका कारण दर्जनौं बस्ती डुबानमा परेका छन् ।

अन्य सम्बन्धित समाचार:  आज राति मृगशिरा उल्कावर्षा हुने

यता, धरान उपमहानगरपालिकाको सेउती, सर्दु र विभिन्न खहरे खोला आसपासका दर्जनौं सुकुम्बासी बस्ती बाढीको चपेटामा परेका छन् । उद्धारका लागि १२ सय सुरक्षाकर्मी परिचालन गरिएको सुनसरीका निमित्त प्रमुख जिल्ला अधिकारी चिरञ्जीवी गिरीले बताए । बाढी प्रभावितहरुले बसोबासका लागि सुरक्षित स्थान र उचित सहयोगको माग गरेका छन् ।

Maruti Cement