टी–ट्वेन्टी विश्वकप छनोट: कुवेतमाथि नेपालको सानदार जित

Prabhu Bank

काठमाडौं । सिंगापुरमा जारी आईसीसी टी–ट्वेन्टी विश्वकप छनोट एसिया अन्तर्गतको खेलमा नेपालले कुवेतमाथि सानदार जित हात पारेको छ। शनिबार बिहान भएको खेलमा नेपालले कुवेतमाथि ७ विकेटको जित निकालेको हो।

Saftey Pads

कुवेतले दिएको १४२ रनको लक्ष्य नेपालले १५.५ ओभरमा ३ विकेट गुमाएर पूरा र्गयो । यस जितसँगै नेपाल टीट्वेन्टी विश्वकपको ग्लोबल क्वालिफायर नजिक पुगेको छ। नेपालको जितका लागि कप्तान पारस खड्काले उत्कृष्ट इनिङ खेले । खडकाले १ छक्का र ११ चौकासहित ४२ बलमा ६८ रन बनाए ।

त्यसैगरी शदर भेषवाकरले ३८ रन र ज्ञानेन्द्र मल्लले १९ रनको योगदान गरे । रोहितकुमार पौडेलले ६ रन जोडे भने दीपेन्द्रसिंह ऐरी १ रन बनाएर आउट भए । कुवेतका लागि मोहमद काषिफले मात्रै नेपालको ३ विकेट लिए । नेपालले टस जितेर बलिङ रोजे पहिले ब्याटिङ गरेको कुवेतले २० ओभरमा ९ विकेट गुमाएर १४१ रन बनाएको थियो । कुवेतका लागि कप्तान मोहमद काषिफले सर्वा्धिक ४९ रन बनाए ।

अन्य सम्बन्धित समाचार:  आईपीएलमा आज रोयल च्यालेञ्जर्स बेंग्लोर र किङ्ग्स ११ पञ्जाब भिड्दै

त्यसैगरी आदनन् इन्द्रेसले २५ र मोहमद अस्लामले २३ रन बनाए। ९औं विकेट गुमेपछि कुवेतले १० बलमा २९ रन जोड्न सफल भएको थियो । कप्तान काषिफले ३६ बलमा ४ छक्का र २ चौका गरी ४९ रन बनाए थिए।

नेपालका लागि सन्दीप लामिछाने र वसन्त रेग्मीले ३–३ विकेट लिए । करण केसीले २, अभिनाश बोहरा र सोमपाल कामीले १–१ विकेट लिए । जितसँगै नेपाल अंक तालिकाको दोस्रो स्थानमा उक्लिएको छ ।

नेपाललाई टीट्वेन्टी विश्वकपको ग्लोबल क्वालिफायरमा छनोट हुनका लागि आइतबार हुने खेलमा सिंगापुरमाथि जित हात पार्नुपर्ने छ । पहिलो खेलमा कतारसँग ४ किवेटले पराजित भएको नेपालले दोस्रो खेलमा मलेसियालाई ७ विकेट हराएको थियो ।

अन्य सम्बन्धित समाचार:  बैतडीसहित सुदूरका नौ खेलाडी क्यानको वर्गीकरणमा: खेलाडीमा उत्साह
Maruti Cement