क्रिकेटका पूर्वकप्तान नीरज श्रेष्ठकोे निधन

Prabhu Bank

काठमाण्डौ । आठ महीनादेखि रक्त क्यान्सरको उपचार गराइरहेका मकवानपुर क्रिकेटका पूर्वकप्तान नीरज श्रेष्ठको निधन भएको छ।

Saftey Pads

लामो समयदेखि नेपाल तथा भारतका विभिन्न अस्पतालमा उपचार गराउँदै आएका श्रेष्ठको शहीद मेमोरियल अस्पताल काठमाडौँमा आइतबार निधन भएको क्रिकेट सङ्घ मकवानपुरका सचिव दीपेन्द्र ढकालले जानकारी दिए।

३६ वर्षीय श्रेष्ठले मकवानपुरमा क्रिकेटको प्रवद्र्धनका लागि महत्वपूर्ण योगदान गरेका छन्। क्रिकेट सङ्घ मकवानपुरले शोक वक्तव्यमार्फत मकवानपुर क्रिकेट सङ्घका सदस्य एवं पूर्वकोषाध्यक्ष तथा मकवानपुरको पूर्वकप्तानसमेत रहेका श्रेष्ठको निधनले क्रिकेट क्षेत्रले आशलाग्दो युवा गुमाएको जनाएको छ।

खेलकूद विकास समिति मकवानपुरका सचिव खुशराज दाहालले श्रेष्ठको निधन राष्ट्रको खेल क्षेत्रका लागि अपुरणीय क्षति भएको बताए। श्रेष्ठका आमा, बुबासहित श्रीमती र एक छोरा छन्।

अन्य सम्बन्धित समाचार:  व्यावसायिक रबर खेतीसम्बन्धी समझदारीपत्रमा हस्ताक्षर
Maruti Cement