भ्रष्टाचारीलाई मृत्युदण्ड दिऊँः प्रेम सुवाल

Prabhu Bank

काठमाडौं । नेपाल मजदुर किसान पार्टीका सांसद प्रेम सुवालले भ्रष्टाचारीलाई संविधान संशोधन गरेर मृत्युदण्ड दिनुपर्ने बताएका छन्।

Saftey Pads

संघीय संसदको राज्य व्यवस्था तथा सूशासन समितिमा मंगलबार बोल्दै सांसद सुवालले देशका ठूला भ्रष्टाचारकाण्डमा मुछिएका सबैलाई मृत्युदण्ड दिनुपर्ने व्यवस्थाका लागि संशोधन गर्नुपर्ने बताएका हुन्।

उनले ३८ क्वीन्टल सुन तस्करीदेखि प्रधानमन्त्रीको निवास बालुवाटारस्थित सरकारी जग्गा बेच्नेसम्मलाई मृत्युदण्ड दिनुपर्ने बताएका छन्।

उनले दैनिक सामाजिक अपराध र भ्रष्टाचार बढिरहेको भन्दै ३८ क्वीन्टल सुन, वाइडबडी भ्रष्टाचार, एनसेलको कर प्रकरण, ललिता निवासको जग्गा विक्रीका सबै अपराधीलाई संविधान संशोधन गरेर मृत्युदण्ड दिनुपर्ने बताएका छन्।

सुवालले राज्य व्यवस्था समितिले सरकारलाई, प्रधानमन्त्रीलाई भनेर मृत्युदण्डको संवैधानिक व्यवस्था गराउन माग गरे।

अन्य सम्बन्धित समाचार:  देशभर लगातार तीन दिन वर्षा हुने
Maruti Cement