कलङ्की कोटेश्वर सडकमा सवारी आवागमन प्रभावित हुने

Prabhu Bank

काठमाडौं । महानगरीय ट्राफिक प्रहरी महाशाखाले आज र भोलि (मङ्सिर २० र २१ गते) दिउँसोको समयमा कलङ्कीदेखि सातदोबाटो, कोटेश्वरहुँदै सूर्यविनायकसम्मको सडक प्रभावित हुने जनाएको छ। १३औं दक्षिण एसियाली खेलकुद (साग) अन्तर्गत साइक्लिङ प्रतियोगिता सञ्चालन हुने भएकोले उक्त सडकखण्डमा सवारी आवागमन प्रभावित हुने भएको हो।

Saftey Pads

आज शुक्रबार कलङ्की, सातदोबाटो हुँदै कोटेश्वरसम्म सडकको दायाँ बायाँको सर्भिस लेनमा मात्र सवारी चलाउन पाइने महाशाखाले जनाएको छ। महाशाखाले यस सडकखण्डमा अति आवश्यकबाहेक अन्य सवारी नचलाउन आग्रहसमेत गरेको छ।

यस्तै, भोलि शनिबार कलंकीदेखि सातदोबाटो, कोटेश्वरहुँदै सूर्य्विनायकसम्म लामो दूरीको अर्को साइक्लिङ हुने भएकाले उक्त सडकमा पनि दायाँ बायाँको सर्भिस लेनमा मात्र सवारी चलाउन ट्राफिकको आग्रह छ।

अन्य सम्बन्धित समाचार:  काेराेनाबाट अर्का सैनिकको मृत्यु

शनिबार कोटेश्वरबाट सिधा जगातीतर्फ जाने सम्पूर्ण सवारीसाधन जडीबुटी चोकबाट पेप्सीकोलातर्फ हुँदै पूरानो ठिमी, ब्यासी, कमलविनायक, च्यामासिंहुँदै जगाती चलाउन पनि प्रहरीले आग्रह गरेको छ।

Maruti Cement