१३ औँ साग ब्याडमिन्टनमा भारतलाई चार स्वर्ण पदक

Prabhu Bank

काठमाडौँ। १३ औँ दक्षिण एशियाली खेलकूद साग अन्तर्गत पोखरामा आज सम्पन्न ब्याडमिन्टन खेलको प्रतिस्पर्धामा भारतले सर्वाधिक चार स्वर्ण पदक जितेको छ।

Saftey Pads

यही मङ्सिर १५ गतेदेखि पोखरा रङ्गशालास्थित ब्याडमिन्टन कोर्टमा शुरु भएको प्रतियोगिताको सम्पन्न फाइनल प्रतिस्पर्धामा भारतले सर्वाधिक चार स्वर्णपदक जित्न सफल भएको हो। ब्याडमिन्टनको कूल पाँच स्वर्ण, पाँच रजत र पाँच काश्यका लागि भएको प्रतिस्पर्धामा एक स्वर्ण पदक भने श्रीलङ्काले जितेको छ।

भारतले महिला तथा पुरुष एकल, पुरुष डबल्स र मिक्स डबल्समा स्वर्ण पदक जितेको हो भने श्रीलङ्काले महिला व्यक्तिगत स्वर्ण पदक जित्न सफल भयो। भारतका लागि महिला एकलतर्फ अस्मिता चलिहाले स्वर्ण पदक जितिन्। उनले भारतकै गायत्री गोपीचन्दलाई २१–१८ र २५–२३ को सोझो सेटमा पाखा लगाउँदै स्वर्ण पदक जितेकी हुन्।

अन्य सम्बन्धित समाचार:  आज आईपीएलमा कलकत्ता नाइट राइडर्स र सनराइजर्स हैदराबाद भिड्ने

पुरुष एकलतर्फ सिरिल बर्माले भारतकै आरेमान टण्डनलाई १७–२१, २३–२१ र २१–१३ को सेटमा पराजित गर्दै स्वर्ण पदक जिते । यस प्रतिस्पर्धामा भारतले नै रजत पदक जितेको हो। पुरुष डबल्सतर्फ भारतका कृष्णप्रसाद गरगा र ध्रुव कपिलाको जोडीले श्रीलङ्का सचिन प्रमेशन र बुवानेका थरिन्डुको जोडीलाई २१–१९, १९–२१ र २१–१८ को सेटमा पराजित गर्दै स्वर्ण जिते । रजत पदक भने श्रीलङ्काले जितेको छ।

मिक्स डबल्समा ध्रुव कपिला र मेघना जकम्पुदीको जोडीले श्रीलङ्काको सचिन प्रेमसन एगोडा मिगानाला र थिलिमि मरमोदीका हेन्देहेभाको जोडीलाई २१–१६ र २१–१४ को सोझो सेटमा पराजिद गर्दै स्वर्ण पदक जिते । रजत पदक श्रीलङ्काले जितेको छ । महिला डबल्समा श्रीलङ्काका थिलिनि प्रमोदिका हेन्देहेभा र कविन्डी श्रीमांगेको जोडीले श्रीलङ्काकै अचिनि निमेसीका रत्नासिरी कपुरु र उपुली समान्तिकाको जोडीलाई २१–१० र २१–७ को सोझो सेटमा पराजित गर्दै स्वर्ण जिते। रजत पदक पनि श्रीलङ्काले नै जितेको हो।

अन्य सम्बन्धित समाचार:  सन्दीप लामिछानेको टोली दिल्ली लगातार विजयी

आयोजक नेपाल भने ब्याडमिन्टनतर्फ पाँच काश्य पदकमा चित्त बुझाउन बाध्य बन्यो। पोखरामा सञ्चालन भएका सागका आठ खेलमध्ये ब्याडमिन्टनमा सातवटै राष्ट्रले भाग लिएका थिए।

Maruti Cement