ललितपुर महानगरपालिकाद्वारा बिना स्वीकृति राखेको विज्ञापन बोर्ड हटाउन शुरू

काठमाडौं। ललितपुर महानगरपालिकाद्वारा बिना स्वीकृति अनाधिकृत रुपमा कर नतिरी राखेको विज्ञापन बोर्ड हटाउन शुरू गरेको छ। ललितपुर महानगरपालिका आर्थिक विकास समितिको निर्णय अनुशार महानगरपालिकाको क्षेत्रभित्र अनाधिकृत रुपमा बिना स्वीकृति राखिएको बिज्ञापन बोर्ड हटाउने अभियान सुरु गरिएको हो।

मंसिर २५ गते सूचना प्रकाशित गरी महानगरले अनाधिकृत रुपमा स्वीकृत नलिई राखिएका डिजिटल बोर्ड, होडिङ्ग बोर्ड, फ्लेक्स बोर्ड, ग्लोसाईन बोर्ड परिचय पार्टीलाई व्यवसायीक प्रचार सामग्रीको विज्ञापन गरेबापत कर दाखिला गर्न १५ दिने सूचना प्रकाशित गरेको थियो।

समय तोकि पत्राचार गर्दा पनि अटेर गरी बसेका बिज्ञापन बोर्डहरु क्रमिक रुपमा हटाउने अभियान शुरु गरिएको महानगरपालिकाको राजश्व प्रशासन महाशाखाले जनाएको छ। आज सोमबार कुपण्डोल क्षेत्रमा रहेका विज्ञापन बोर्डहरु हटाईएको छ।

अन्य सम्बन्धित समाचार:  कालीगण्डकी किनारमा बिहानैदेखि स्नान गर्ने भक्तजनको भीड