सत्तारुढ नेकपाको महाधिवेशन २०७७ चैत्रको अन्तयमा गर्ने प्रस्ताव

काठमाडौं। सत्तारुढ नेपाल कम्युनिस्ट पार्टी (नेकपा)को महाधिवेशन २०७७ चैत्र महिनाको अन्तयमा गर्ने प्रस्ताव केन्द्रीय कमिटी बैठकमा पेश गरिएको छ। बुधबार शुरु भएको केन्द्रीय कमिटी बैठकमा अध्यक्षद्वय केपी शर्मा ओली र प्रचण्डले प्रस्तुत गरेको राजनीतिक प्रतिवेदनमा महाधिवेशनको मिति प्रस्ताव गरिएको बुझिएको छ।

त्यसअघि आगामी भदौदेखि मंसिरसम्ममा सबै स्थानीय तह र प्रदेशका अधिवेशन सम्पन्न गर्ने प्रस्ताव समेत पेश भएको बताइएको छ । एकता महाधिवेशनलाई कतिऔं भन्ने टुंगो सम्भवतः केन्द्रीय कमिटी बैठकले लगाउने भएपनि महाधिवेशन र अधिवेशन अघि पार्टीले देशब्यापी विशेष अभियान सन्चालन गर्ने भएको छ। सो अभियानका क्रममा पार्टी र सरकारको पक्षमा जनमत निर्माण गर्ने राजनीतिक प्रतिवेदनमा उल्लेख छ।

अन्य सम्बन्धित समाचार:  सभामुख सापकोटासँग छलफल नै नगरी संसद अधिवेशन अन्त्य