बोराको थुप्रोले थिच्दा एकै परिवारका चार जनाको मृत्यु

भैरहवा।  रुपन्देहीमा बोराले थिचिएर एकै परिवारका चार जनाको मृत्यु भएको छ।  बोराको थुप्रोले थिचिएर भारत बिहारका ३० वर्षिय सहजाद हुसेन, उनकी श्रीमती २८ वर्षिय सद्धव खातुन, ६ बर्षिय छोरा सुल्तान रजा र २ वर्षिय छोरी सहिना खातुनको मृत्यु भएको छ ।

रुपन्देहीको सिद्धार्थनगर नगरपालिका वडा नम्बर ६ पिपरहियामा आफैंले संकलन गरेर राखेको बोराले थिचेको अवस्थामा उनीहरुलाई बिहान मृत फेला पारिएको थियो। घरको सटर भित्र तीन तर्फका भित्तामा बोराको चाङ र विचको साँघुरो ठाउमा सुतिरहेका उनीहरुमाथि बोरा चिप्लीएर थिच्दा सास फेर्न नसकेर निसास्सिएर मृत्यु भएको आशंका गरिएको छ।

रुपन्देही प्रहरीका अनुसार हुसेन परिवारले विगत १५÷२० वर्षदेखि कवाडीका बोरा जम्मा गर्ने र बोरा सिलाएर विक्री वितरण गर्दै आएका थिए।

अन्य सम्बन्धित समाचार:  कर्णाली प्रदेशः नवनियुक्त मन्त्रीले लिए शपथ