महामारी नियन्त्रण र जनतालाई विपदबाट सुरक्षित राख्न सरकार असफलः काँग्रेस

Latest Nepali News, Politics, Videos, Entertainment & Sports

काठमाडौं। कोरोना महामारी नियन्त्रण गर्न सरकार पूर्णरुपमा असफल भएको प्रमुख प्रतिपक्षी दल नेपाली कांग्रेसको ठहर छ। बुधबार प्रधानमन्त्रीलाइ पार्टीको केन्द्रीय कार्यसमिति बैठकले गरेका निर्णयहरूसहितको ज्ञापनपत्र बुझाउँदै कांग्रेसले महामारी नियन्त्रण गर्न र जनतालाई विपद्बाट सुरक्षित राख्न सरकार पूर्णरुपमा असफल भएको ठहर गरेको हो।

भद्रगोल र अव्यवस्थीत क्वारेन्टाइनका कारण संक्रमणको दर फैलिरहेको भन्दै भारतबाट आएका मानिसलाई परीक्षण गरी सुरक्षित ढंगबाट घर पु¥याउन आग्रहसमेत काँग्रेसले गरेको छ।

सरकारले ‘लकडाउन’को सही किसिमले उपयोग गर्न नसकेको भन्दै उद्योग–व्यवसाय सुचारु गर्न र आर्थिक संकटलाई कम गर्न सरकार गम्भीर बन्न पर्ने कांग्रेसको जोड थियो। प्रधानमन्त्री केपी शर्मा ओलीसँगको भेटमा आफूहरुले महामारी नियन्त्रणमा कांग्रेसको धारणा र सरकारले तत्काल गर्नुपर्ने कामबारेमा ध्यानाकर्षण गराएको कांग्रेस नेता रमेश लेखकले बताए।

अन्य सम्बन्धित समाचार:  ओली समूहको संसदीय दलको बैठकमा वामदेव नजाने

प्रधानमन्त्री ओलीले सुझावहरूलाई सकारात्मक र गम्भीरतापूर्वक लिएर आवश्यकताअनुसार कार्यान्वयन गरिने जानकारी गराएको प्रधानमन्त्रीका प्रेस सल्लाहकार सूर्य थापाले जानकारी दिएका छन्।

कांग्रेस वरिष्ठ नेता रामचन्द्र पौडेल, गोपालमान श्रेष्ठ, बालकृष्ण खाँण, डा. प्रकाशशरण महत र रमेश लेखकले संयुक्त रुपमा बालुवाटार पुगि ज्ञापनपत्र बुझाएका थिए।