सुनको मूल्य अनपेक्षितरुपमा वृद्धि

काठमाडौं। स्थानीय बजारमा सुनको मूल्यमा अनपेक्षितरुपमा वृद्धि भएको छ। बिहीबार बजार खुल्दा प्रतितोला पहेँलो धातुको मूल्य रु. ८९ हजार ६०० कायम भई हालसम्मकै उच्च विन्दुमा पुगेको हो ।

नेपाल सुनचाँदी व्यवसायी महासङ्घका अनुसार बिहीबार छापावाल सुनको मूल्य बुधबारको तुलनामा रु. हजारले बढेका छ। त्यसैगरी, तेजाबी सुन प्रतितोला रु. ८९ हजार १६५ मा कारोवार भइरहेको छ भने चाँदीको मूल्य प्रतितोला रु. ९५० कायम भएको छ।

अन्तर्राष्ट्रिय बजारमा सुनको मूल्यमा वृद्धि भएसँगै त्यसको स्थानीय बजारमा पनि प्रभाव परेको सुनचाँदी व्यवसायीले बताएका छन्।

गत आइतबारदेखि सुनको मूल्यमा निरन्तर बढोत्तरी भइरहेको छ । उक्त दिन रु. ८७ हजार ४०० मा एकतोला सुन खरिद बिक्री भएको थियो।

अन्य सम्बन्धित समाचार:  ज्योति लाइफको आईपीओ खुल्यो