शनिबार बैंकहरु खुला राख्न नेपाल राष्ट्र बैंकको निर्देशन

काठमाडौं। शनिबार बैंकहरु खुला राख्न नेपाल राष्ट्र बैंकले निर्देशन दिएको छ। राष्ट्र बैंकले ३२ जेठसम्म शनिबार तथा सार्वजनिक बिदामा समेत शाखा कार्यालयहरु खोल्न क, ख र ग वर्गका बैंक तथा वित्तीय संस्थाहरुलाई निर्देशन दिएको हो।

राष्ट्र बैंक, बैंक तथा वित्तीय संस्था नियमन विभागका प्रमुख देवकुमार ढकालले राजश्व बुझ्ने प्रयोजनका लागि राजश्व बुझ्ने बैंकका शाखाहरु खुला राख्न निर्देशन दिएको जानकारी दिए। उनका अनुसार बैंकमात्रै होइन क्लियरिङ गर्ने नेपाल क्लियरिङ हाउस समेत भोलि शनिबार खुला रहनेछन्।

महिनाको अन्तिम दिन सार्वजनिक बिदा भए पनि सरकारलाई तिर्नु पर्ने राजश्व तिर्न राष्ट्र बैंकले निश्चित समय तोकेर बैंकहरुलाई खुला राख्न निर्देशन दिने गरेको थियो।

अन्य सम्बन्धित समाचार:  नेप्सेमा हरियाली कायमै

कोभिड–१९ कारण सरकारको राजश्व उठ्न नसकेको र सर्वसाधारणलाई सहजताका लागि बैंकहरु खुला राख्न निर्देशन दिएको राष्ट्र बैंकले बताएको छ।