सुदूरपश्चिममा थप ८ जनामा कोरोना पुष्टि 

धनगढी। सुदूरपश्चिम प्रदेशमा शनिवार थप ८ जनामा कोरोना पुष्टि भएको छ। सेती प्रादेशिक अस्पतालको प्रयोगशालमा भएको परीक्षणमा ५ महिला र ३ पुरुष गरी ८ जनामा कोरोना पुष्टि भएको हो।

धनगढी उपमहानगरपालिका वडा नम्बर १८ का ४५ र ४८ वर्षीय पुरुष, धनगढी उपमहानगरपालिका वडा नम्बर १ का २२ वर्षीय पुरुषमा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए।

उनका अनुसार धनगढी उपमहानगरपालिका वडा नम्बर १४ का १९ र २४ वर्षीय महिला, वडा नम्बर १५ का २४ र २८ वर्षीय महिला र कञ्चनपुरको पुनरवास नगरपालिका वडा नम्बर ५ की ३१ वर्षीय महिलामा कोरोना पुष्टि भएको हो। सेती अस्पतालको प्रयोगशालामा पछिल्लो २४ घण्टामा दुई सय ३७ जनाको कोरोना परीक्षण भएको श्रेष्ठले बताए।

अन्य सम्बन्धित समाचार:  निर्मला पन्तका हत्यारालाई कानूनी दायरामा छिट्टै ल्याइने

यससँगै धनगढीमा कोरोना सङ्क्रमितको सङ्ख्या एक सय चार पुगेको छ। ७० पुरुष र ३४ महिला गरी एक सय चार जनामा कोरोना पुष्टि भएको हो।

वडा नम्बर १ मा ८ जना, २ मा ४ जना, ३ मा ५ जना, ४ मा १ जना, ५ मा १० जना र वडा नम्बर ६ मा २ जनामा कोरोना पुष्टि भएको छ। वडा नम्बर ७ मा ३ जना, ८ मा ५ जना, ९ मा १० जना १० मा ३ जना, ११ मा १ जना र वडा नम्बर १२ मा २० जनामा कोरोना पुष्टि भएको छ।

यस्तै वडा नम्बर १३ मा दुई जना, १४ मा १० जना, १५ मा ६ जना, १६ र १७ मा १÷१ जना, १८ मा ११ जना र वडा नम्बर १९ मा १ जनामा कोरोना पुष्टि भएको छ। यस्तै सुदूरपश्चिममा सङ्क्रमितको सङ्ख्या चार हजार १७ पुगेको छ। सङ्क्रमण पुष्टि भएका १ हजार ६ सय बढि डिस्चार्ज भइसकेका छन् भने ८ जनाको मृत्यु भइसकेको छ।

अन्य सम्बन्धित समाचार:  नेपाल आइपुग्यो ३ लाख ४८ हजार डोज खोप

​​​​​​​