लकडाउन अन्त्य गर्ने निर्णय अपरिपक्व: डा. रवीन्द्र पाण्डे

काठमाडौँ। सरकारले मंगलबार रातीबाट लागु हुने गरी लकडाउन अन्त्य गर्ने निर्णय अपरिपक्व भएको विज्ञहरुले बताएका छन्। जनस्वास्थ्यविद् डा. रवीन्द्र पाण्डेयले कोरोना संक्रमणको समुदायमा ब्यापक परीक्षण गरेर बास्तबिक अवस्था थाहा नपाइ गरिएको यो निर्णय हतारयुक्त र अपरिपक्व भएको धारणा राखेका छन्।

ब्यापक कडाइ, निगरानी र सतर्कता नअपनाएमा यसले जनस्वास्थ्यमा संकट ल्याउने, देशका करिब ७० जिल्लामा संक्रमित रहेको, काठमाडौं उपत्यका लगायत सहरी क्षेत्रमा फाट्टफुट्ट कोरोना संक्रमण देखिइरहेको, परीक्षणको दायरा एकदम साँघुरो भएको बताए।

यस्तै छिमेकी देश भारतमा कोरोना संक्रमण ब्यापक फैलिएको तथा नेपालसंग सिमाना जोडिएका बिहार, युपी तथा पश्चिम बंगालमा कोरोना संक्रमण निकै बढेको अवस्थामा लकडाउन अन्त्य गर्नु निकै जोखिमपूर्ण छ, उनले भने।

अन्य सम्बन्धित समाचार:  पृतनापति सम्मेलन आजबाट

परीक्षण गर्दै चरणबद्ध रुपमा लकडाउनको ब्यबस्थापन गर्नुपर्नेमा बिज्ञसंग पर्याप्त छलफल नगरि लकडाउन खोल्दा समुदायमा कोरोना संक्रमण फैलिने डर बिध्यमान रहेकोमा उनले चिन्ता व्यक्त गरेका छन्।

सिमाना प्रभावकारी ढंगले शिल नगर्ने हो भने भारतबाट धेरै संक्रमित नेपाल प्रवेश गर्ने खतरा बिध्यमान रहेका बेला हामी आम नागरिकले सकभर घरमै बस्ने, घरबाहिर निस्कंदा सहि तरिकाले मास्क लगाउने, भीडभाडमा नजाने, बाटो, चोक, पसल, अफिस लगायत सबै ठाउँमा घटीमा ६ फिटको दुरी कायम गर्ने, आबश्यकता अनुसार चस्मा तथा पन्जाको प्रयोग गर्ने, भोजभतेर नगर्ने, सुरक्षित तरिकाले घरमै चाडपर्व मनाउने लगायतका सुरक्षा सतर्कता अझै बढाउन जरुरी रहेकोमा उनले सचेत गराएका छन्।