आज नेपालमा ६४१ काेराेना संक्रमित थपिए, उपत्यकामा मात्र १७२ जना

संक्रमित

काठमाडौँ। नेपालमा आइतबार थप ६ सय ४१ जनामा कोरोना संक्रमण देखिएको छ। स्वास्थ्य तथा जनसंख्या मन्त्रालयका अनुसार हासम्म कुल संक्रमित हुनेको संख्या २६ हजार ६६० पुगेको छ।

दैनिक थपिएका संक्रमितकाे संख्या हेर्दा आजकाे संख्या हालसम्मकै धेरै हाे । यसअघि एकैदिनमा ६३८ जनासम्म संक्रमित थपिएका थिए।

आज थपिएकामध्ये काठमाडाैं उपत्यकाका मात्र १७२ जना रहेका छन्। हालसम्मा ५ लाख १७ हजार ९ सय ५७ जनामा पीसीआर परीक्षण गरिएकाेमा जम्मा २६ हजार ६६० मा काेराेना पेजिटिभ देखिएकाे हाे।

मन्त्रालयका अनुसार हालसम्म  देशभरमा १५ हजार २४३ जना क्वारेन्टाइनमा र ९ हजार २२१ जना आइसाेलेशनमा बसेर उपचार गराइरहेका छन्। यसैगरी हालसम्मा १७ हजार ३३५ जना निकाे भएर घर फर्किसकेका छन् भने काेराेनाबाट मृत्यु हुनेकाे आधिकारिक संख्या १०४ जना पुगेकाे छ।

अन्य सम्बन्धित समाचार:  प्रचण्ड–माधव पक्षको निर्णय: पूर्वएमाले र पूर्वमाओवादी अलगअलग भएर जाने