काठमाडौं उपत्यकामा मंगलबार ६७६ संक्रमित थपिए

काठमाडौं। पछिल्लो २४ घण्टामा काठमाडौं उपत्यकामा ६७६ कोरोना संक्रमित थपिएका छन्।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा काठमाडौंमा ५५५ , भक्तपुरमा ८६ तथा ललितपुरमा ३५ कोरोना संक्रमित थपिएका हुन्।

अब योसँगै उपत्यकामा कोराना संक्रमितको संख्या १२ हजार ९२४ पुगेको छ।

हालसम्म कारोना संक्रमितको संख्या काठमाडौंमा १० हजार ५८३, ललितपुरमा १ हजार २२६ तथा भक्तपुरमा १ हजार ११५ पुगेको छ।

पछिल्लो २४ घण्टामा देशभर १ हजार ४५९ नयाँ संक्रमित थपिएका छन्। कूल संक्रमितको संख्या ५६ हजार ७८८ पुगेको छ। १ हजार ६२ जना निको भएर घर फर्किएका छन्।

देशभर कोरोना संक्रमणबाट मुक्त हुनेको संख्या ४० हजार ६३० जना पुगेको प्रवक्ता गौतमले बताए।

अन्य सम्बन्धित समाचार:  भारतमा एकै दिनमा दुई लाख ६१ हजार सङ्क्रमित