लुटपाट गर्ने दुई पक्राउ

भक्तपुर। प्रहरीले भक्तपुरमा डलर देखाई लुटपाट गर्ने दुई जनालाई पक्राउ गरेको छ।

पक्राउ पर्नेमा सिन्धुपाल्चोक बाह्रबिसे नगरपालिका–३ घर भइ हाल भक्तपुर चारदोबाटोमा डेरा गरी बस्ने २३ वर्षीय विमल भण्डारी र २१ वर्षीय निर्मल भण्डारी छन्।

प्रहरीले उनीहरुको साथबाट तीन लाख ३१ हजार नगद, विभिन्न कम्पनीका मोबाईल दुई थान, २२० सिसिको पल्सर मोटरसाइकल एक थान र पर्स दुई थानसमेत बरामद गरेको छ।

उनीहरुले कमलविनायक बसपार्कमा दोलखा घर भइ हाल सूर्यविनायक बस्ने एक जनालाई डलर साट्ने बहानामा लुटपाट गरी फरार भएका थिए।

महानगरीय प्रहरी परिसर भक्तपुर र महानगरीय प्रहरी वृत्त जगातीबाट खटिएको प्रहरी टोलीले घटनामा सम्लग्न दुवैलाई चाँगुनारायण नगरपालिका–८, रातोपाटीबाट पक्राउ गरेको हो।

अन्य सम्बन्धित समाचार:  हटाउन सक्छ भने हटाओस्, अर्को चुनावमा दुई तिहाइ ल्याउँछु: प्रधानमन्त्री ओली