रानीपोखरीको बालगोपालेश्वर मन्दिरमा गजुर प्रतिस्थापन

काठमाडाै‌।

ऐतिहासिक  रानीपोखरीको बीचमा रहेको बालगोपालेश्वर मन्दिरमा गजुर प्रतिस्थापन गरिएको छ। वि.सं. २०७२ सालको विनाशकारी भूकम्पमा क्षतिग्रस्त भएको बालगोपालेश्वर मन्दिरको पुनःनिर्माणको काम अन्तिम चरणमा पुगेपछि बिहीबार सुनको लेपन भएको गजुर राखिएको हो।

यसअघि, गुम्बज शैलीमा निर्माण गरिएको उक्त मन्दिर विज्ञहरुको प्रतिवेदनअनुसार प्रताप मल्लको पालामा बनाइएको ग्रन्थकुट (शिखर) शैलीमा पुनःनिर्माण गरिएको छ। १९९० को भूकम्पमा मन्दिरमा क्षति भएपछि गुम्बज शैलीमा पुनःनिर्माण गरिएको थियो । तर, यसपटक फेरि पुरानै शैलीमा पुनःनिर्माण गरिएको हो।

मन्दिरको शिरमा रहेको गजुरको कुल उचाइ ६ फुट १० इन्च रहेको छ। ताम्रपत्रमा सुनको लेपन लगाएर गजुरको निर्माण गरिएको हो ।

 

अन्य सम्बन्धित समाचार:  प्यूठानमा सुत्केरीको मृत्यु