परीक्षा नियन्त्रक जोशीलाई कोरोना, त्रिवि कार्यालय बन्द

काठमाडौं। त्रिभुवन विश्वविद्यालयका परीक्षा नियन्त्रक पुष्पराज जोशी कोरोना भाइरसबाट संक्रमित भएका छन्।

जोशीलाई कोरोना लागेपछि बल्खुस्थित त्रिवि कार्यालय बन्द भएको छ। जोशी कोरोनाबाट संक्रमित भएपछि त्रिवि कार्यालय बिहीबार र शुक्रबार बन्द गरिएको हो।

अब आइतबारदेखि मात्र खुल्ने कार्यालयले सूचना निकालेको छ। जोशी होम आइसोलेसनमा बसेका छन्।

विश्वविद्यालयका रोकिएका परीक्षा सञ्चालन गर्नेबारे गत असोज ६ गते भएको बैठकमा जोशी सहभागी थिए। उक्त बैठकमै सहभागी प्रधानमन्त्रीको निजी चिकित्सक दिब्या सिंह शाहमा पनि कोरोना देखिएको थियो।

परीक्षा नियन्त्रण कार्यालयले शाखा, महाशाखा र गोप्य शाखाका कर्मचारी पनि होम क्वारेन्टिनमा बसेको जनाएको छ।

अन्य सम्बन्धित समाचार:  मोरङमा थप एक लाख ३५ हजारलाई खोप लगाइने