कर्मचारीमा कोरोना देखिएपछि ठमेलको सञ्चय कोष कार्यालय बन्द

काठमाडौं। कर्मचारीमा कोरोना भाइरसको संक्रमण देखिएपछि ठमेलस्थित कर्मचारी सञ्चय कोषको कार्यालय बन्द गरिएको छ।

आइतबार र सोमबार कार्यालय बन्द गरिने कोषले सूचना जारी गरेको छ।

कोषको ठमेल कार्यालयमा कार्यरत केही कर्मचारीमा कोरोना भाइरसको संक्रमण पुष्टि भएकाले कर्मचारी र सञ्चयकर्तामा हुन सक्ने जोखिमलाई न्यूनिकरण गर्न कार्यालय दुई दिन बन्द गरिएको हो।

सो अवधिमा कोषबाट प्रवाह हुने अनलाइन विशेष सापटी सेवा भने यथावत नै रहने कार्यालयले जनाएको छ।

अन्य सम्बन्धित समाचार:  देशभर थप ७८ जनामा कोरोना संक्रमण पुष्टि