बुटवलबाट राजधानी सार्ने निर्णयमा विष्णु पौडेलको असन्तुष्टि

काठमाडौं। नेकपाका महासचिव विष्णु पौडेलले प्रदेश ५ को राजधानी बुटवलबाट दाङ सार्ने निर्णयमा सहमति जनाएको भन्दै दुई अध्यक्षसँग असन्तुष्टि व्यक्त गरेका छन्।

प्रधानमन्त्री निवास बालुवाटारमा आइतबार भएको बैठकमा उनले प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डसँग आफ्नो असन्तुष्टि व्यक्त गरेका हुन्।

उक्त निर्णय पुनर्विचार गर्न पनि उनले अध्यक्षद्वयसँग माग गरेका छन्। बालुवाटारको बैठकमा दुई अध्यक्ष र महासचिव पौडेलसहित प्रदेश ५ का मुख्यमन्त्री शंकर पोखरेल र स्थायी कमिटी सदस्य जनार्दन शर्मा सहभागी थिए।

दुवै अध्यक्षले भने प्रदेश राजधानी तोक्ने अधिकार प्रदेशसभामा रहेको बताएका थिए।

भालुवाङमा राजधानी तोक्ने प्रदेश ५ को निर्णयको विरोधमा बुटवलमा आन्दोलन भइरहेको छ।

अन्य सम्बन्धित समाचार:  प्रचण्डले अदालतमा पेस गरेका मुख्य पाँच बुँदा