बैतडी बस दुर्घटनाका चालक पक्राउ

Prabhu Bank

बैतडी। चार दिन अघि बैतडीमा नौ जनाको ज्यान जाने गरी दुर्घटनामा परेको बसका चालकलाई प्रहरीले पक्राउ गरेको छ।

Saftey Pads

बैतडीको गन्नाबाट महेन्द्रनगरका लागि छुटेको पवनदूत यातायातको ना५ख ५१४१ नम्बरको बस बिहीबार राति दुर्घटना हुँदा नौ जनाको मृत्यु भएको थियो भने ४३ जना घाइते भएका थिए।

दुर्घटना अनुसन्धानका लागि दोगडाकेदार गाउँपालिका–७ खोचलेक घर भएका बसका चालक वीरेन्द्र कार्कीलाई नियन्त्रणमा लिइएको बैतडीका प्रहरी प्रमुख प्रहरी नायब उपरीक्षक नारायणप्रसाद अधिकारीले जानकारी दिए।

दुर्घटना परी घाइते भएका कार्कीलाई माया मेट्रो अस्पताल धनगढीले डिस्चार्ज गरेलगत्तै शनिबार प्रहरीले पक्राउ गरेको हो। ‘उनीमाथि कानूनी कारबाहीको प्रक्रिया अगाडि बढाएका छौँ,’ अधिकारीले भने, ‘चालकमाथि सवारी ज्यान मुद्दाअन्तर्गत जाहेरी दर्ता गरेर अनुसन्धान शुरु गरेका छौँ।’ नियन्त्रणमा लिइएका चालक आफैँ बस धनीसमेत रहेका प्रहरीले जनाएको छ।

अन्य सम्बन्धित समाचार:  प्रधानमन्त्रीले कोभिड विशेष महासभालाई सम्बोधन गर्ने

यसैबीच दुर्घटनामा ज्यान गुमाउने नौ जनाकै शव प्रहरीले आफन्तलाई बुझाएको छ। दुर्घटनामा बैतडीका तीन, दार्चुला, कञ्चनपुर र कैलालीका दुई÷दुईजनाको मृत्यु भएको थियो।

दुर्घटनामा बैतडीको दोगडाकेदार–६ सित्तडका २५ वर्षीय प्रहरी जवान रणबहादुर चन्द, दोगडाकेदार–६ सित्तडकै २७ वर्षीय करनसिंह ऐर, दोगडाकेदार गाउँपालिकामा कार्यरत कर्मचारी कवीन्द्र जोशी, कञ्चनपुरको भीमदत्त नगरपालिका–८ तिलाचौरका १५ वर्षीया कृतिका कार्की र दार्चुलाको लेकम गाउँपालिका–४ का तर्कराज गिरीको मृत्यु भएको थियो ।

यस्तै, दार्चुलाको मालिकार्जुन गाउँपालिका–५ का जगन्नाथ ओझा, कञ्चनपुरको भीमदत्त नगरपालिका–१० विजना धामी, कैलालीको धनगढी उपमहानगरपालिका–४ का नरेन्द्र चौधरी, धनगढी उपमहानगरपालिका–१८ का ऋषिराम चौधरीको पनि मृत्यु भएको थियो । मृतक सबैको शव आफन्तलाई बुझाइएको हो।

अन्य सम्बन्धित समाचार:  संसद छिटो खोलियोस्ः सुजाता कोइराला

दुर्घटनामा परी घाइते भएका ३४ जनामध्ये गम्भीर घाइते १२ जनाको धनगढीमा उपचार भइरहेको छ भने बाँकी २२ जनाको डडेल्धुरा अस्पतालमा उपचार भइरहेको छ।

Maruti Cement