दक्षिण कोरियाद्वारा मानवरहित हवाई ट्याक्सीको परीक्षण

एजेन्सी। दक्षिण कोरियाले मानवरहित हवाई ट्याक्सी सेवाको परीक्षण गरेको छ।

कुल ६५० किलो तौलको उक्त इलेक्ट्रिक हवाई ट्याक्सीमा दुई सिट रहेको छ। ट्याक्सीले १३० किलोमिटरको गतिमा उडान भर्नसक्ने बताइएको छ।

परीक्षणमा छ वटा हवाई ट्याक्सी परीक्षण गरिएको थियो। ती हवाई ट्याक्सीलाई चिनियाँ पाइलटलेस एयर ट्याक्सी फर्म इहाङले निर्माण गरेको हो। ड्रोन ट्याक्सीले शहरी हवाई गतिशीलताको विकास गर्ने, भूमिगत यातायातको भीड कम गर्ने र इञ्जिन सुरक्षित गर्ने बताइएको छ।

शहरी भागमा ट्राफिक व्यवस्थापनका लागि समेत सहयोगी हुनेछ। गत अप्रिलमा ७० किलो चामलको बोरासहित हवाई ट्याक्सीको सफलतापूर्वक परीक्षण गरिएको थियो।

अन्य सम्बन्धित समाचार:  साउदी नेतृत्वको गठबन्धनद्वारा यमनमा हवाई आक्रमण