भारत: विवाहबाट फर्केको गाडी दुर्घटना, १४ जनाको मृत्यु

एजेन्सी। भारतमा विवाह समारोहबाट फर्किएको गाडी दुर्घटना हुँदा १४ जनाको मृत्यु भएको छ। उक्त गाडी उत्तरप्रदेशको प्रतापगढ जिल्ला प्रयागराज–लखनउ राजमार्गमा रोकिराखेको ट्रकमा ठोक्किँदा ६ बालबालिकासहित १४ जनाको मृत्यु भएको हो। विवाह समारोहबाट फर्कँदै गरेको गाडी टायर पङ्क्चर भएर सडकको छेउमा रोकिराखेको ट्रकमा ठोक्किएको स्थानीय सञ्चारमाध्यमले जनाएका छन्।

दुर्घटना लगत्तै उत्तरप्रदेशका मुख्यमन्त्री योगी आदित्यनाथले दु:ख व्यक्त गर्दै दुर्घटनास्थलमा पुगेर आवश्यक सहयोग गर्न प्रशासनलाई निर्देशन दिएका छन्।

अन्य सम्बन्धित समाचार:  प्रचण्ड–नेपाल पक्षको केन्द्रिय कमिटि बैठक आज बस्दै