नेपालबाट तीन जना विदेशी नागरिकलाई देश निकाला गरिने

काठमाडौं। नेपालबाट तीन जना विदेशी नागरिकलाई देश निकाला गरिने लागिएकाे छ। सरकारले लामो समयदेखि गैरकानूनी रुपमा नेपाल बसिरहेका अष्ट्रलियाका एक जना र यमनका २ जना नागरिकलाई देश निकाला गर्ने निर्णय गरेकाे सञ्चार तथा सूचना प्रविधिमन्त्री पार्वत गुरुङले जानकारी दिएका हुन्।

अस्ट्रेलियाका नागरिक लेस्ली डेन्गेटले बुझाउनुपर्ने विलम्ब शुल्क १२ हजार ७ सय ३० अमेरिकी डलर र जरिवाना बराबरको ५० हजार मिनाहा गरी देश निकाला गरिने भएको हो। यस्तै यमन गणज्यका नागरिकहरु मोहम्मद स्मेल अहमद ओवादी र नासिम स्मेल अहमद ओवादीले बुझाउनुपर्ने भिसा दस्तुर ३ हजार ६६ अमेरिकी डलर, विलम्ब शुल्क ५ हजार ११० अमेरिकी लडर र जरिवाना बापतको १ लाख मिनाहा गरी दुवै जनालाई देशनिकाला गर्ने निर्णय पनि सरकारले गरेको हो।

अन्य सम्बन्धित समाचार:  कोरोना छल्न गाउँ छिरेकाहरू नै सङ्क्रमित