बैतडीमा जिप दुर्घटना हुँदा ५ जनाको मृत्यु, ६ घाईते 


दिपक महरा, बैतडी।

बैतडीमा मंगलबार जिप दुर्घटना हुँदा ५ जनाको मृत्यु भएको छ। मृत्यु हुनेमा बैतडीको सुर्नया गाउँपालिका ४ का ७५ वर्षीय कलावती चन्द, दशरथचन्द नगरपालिका ४ का ७५ वर्षीय भगीरथ पाण्डेय, दशरथचन्द नगरपालिका ५ बास्कोटका ७० वर्षीय पार्वतीदेवी चन्द, सोही ठाउँका ७२ वर्षीय पार्वतीदेवी चन्द र दशरथचन्द नगरपालिका २ का ५८ वर्षीय कृष्णलाल लावड रहेका जिल्ला प्रहरी कार्यालयका प्रवक्ता प्रहरी निरीक्षक जनकबहादुर धामीले जानकारी दिए।

अन्य ४ जना घाइते भएका छन्। २ जना सामान्य घाईते रहेका छन। घाइतेहरूलाई उपचारका लागि जिल्ला अस्पताल पुर्याइएको जिल्ला प्रहरी कार्यालयका प्रमुख प्रहरी नायब उपरीक्षक नारायणप्रसाद अधिकारीले जानकारी दिए।

बैतडीको सिमानाका झुलाघाटबाट सदरमुकाम गोठलापानी आउँदै गरेको ना १ ज २१९६ नम्बरको जिप दशरथचन्द नगरपालिकाको  बुड्डा भन्ने स्थानमा दिउँसो डेढ दुर्घटनामा परेको हो। जिप चालक गोपाल कार्की फरार रहेको र खोजी भइरहेको प्रहरीले जनाएको छ। तीव्र गतिका कारण जिप अनियन्त्रित भएर दुर्घटनामा परेको हुन सक्ने प्रहरीले अनुमान छ। जिप सडकबाट करिब एक सय मिटर तल खसेको छ। 

अन्य सम्बन्धित समाचार:  ओली पक्षको संसदीय दलको बैठकः बहुमत सांसद उपस्थित भएको दाबी