बैतडीमा किशोरी बलात्कार प्रकरण: वडाध्यक्ष सहित थप ४ जना पक्राउ

बालिका बलात्कार

बैतडी। बलात्कारको घटनामा मिलापत्र गराएको आरोपमा बैतडीमा वडाध्यक्ष पक्राउ परेका छन्। जिल्लाको सिगास गाउँपालिका ३ की १८ वर्षीया किशोरी बलात्कारको घटनामा मिलापत्र गराएको भन्दै सिगास गाउँपालिका ३ का वडाध्यक्ष शेरसिंह साउद पक्राउ परेका हुन। 

प्रहरीले सोही ठाउँका अन्य ३ जनालाई पनि नियन्त्रणमा लिएको छ। घटना मिलापत्रमा संलग्न रहेका राजेन्द्र धामी, नरेन्द्र धामी र गोपाल धामीलाई पनि प्रहरीले शनिबार साँझ पक्राउ गरेको हो। योसँगै किशोरी बलात्कार प्रकरणमा ६ जना पक्राउ परिसकेको बैतडीका प्रमुख प्रहरी नायब उपरीक्षक नारायणप्रसाद अधिकारीले बताए। 

यसअघि गत बिहीबार सोही घटनामा संलग्न रहेको आरोपमा प्रहरीले मनोजसिंह धामी र अमर धामीलाई नियन्त्रण लिएको प्रहरी नायब उपरीक्षक अधिकारीले बताए। बैतडीको सिगास गाउँपालिका मा १८ वर्षीया युवतीमाथि गत जेठ २३ गते जबरजस्ती करणी गरिएको थियो। 

अन्य सम्बन्धित समाचार:  पर–पुरुषसँग मिलेर श्रीमानको हत्या गर्ने महिला पक्राउ

सो घटनालाई गाउँमै मिलापत्र गराउँदै अगुवाहरूले पीडक पक्षले युवतीलाई १ तोला सुन दिने सहमति गरेका थिए। तर पीडकले सुन नदिएपछि घटना बाहिरिएको थियो। बलात्कारमा संलग्न भनिएका स्थानीय दीपक सिंह धामी अहिले फरार छन्।