नेप्से सूचक ५.५७ अङ्क बढेर २०१२. ८९ विन्दुमा

नेप्से

काठमाडाै‌ं। मंगलबार नेप्से सूचकका साथै कारोबार रकममा समेत सामान्य सुधार देखिएको छ। मङ्गलबारको बजार अन्तिममा सामान्य अङ्क बढेर बन्द भएको छ भने नेप्से सूचक ५. ५७ अङ्क बढेर २०१२. ८९ विन्दुमा पुगेको छ।

मंगलबार जम्मा २०९ वटा कम्पनीको ८० लाख कित्ता शेयर ४ अर्ब ९ करोड रुपैयाँमा खरिद बिक्री भयाे। अघिल्लो दिन ४ अर्ब भन्दा थोरैको शेयर कारोबार भएकोमा भने केही बढेको हो। 

मंगलबार उत्पादनमूलक कम्पनीहरूमा लगानीकर्ता तानिए। त्यसैले आज उक्त उपसमूहको सूचक सबैभन्दा धेरै ४ प्रतिशतले बढेको छ।उत्पादनमूलक समूहका शिवम् सिमेन्टको शेयर मूल्य ५. ६७ प्रतिशतले बढेको छ भने हिमालयन डिस्टिलरीको पनि ४ प्रतिशतले बढेको छ।

यता हाइड्रोपावर उपसमूहको सूचक भने सबैभन्दा धेरै १. १८ प्रतिशतले घटेको छ। हाइड्रोपावर कम्पनीहरूमा बिक्री चाप बढ्दा उक्त उपसमूहको सूचक घटेको हो।

अन्य सम्बन्धित समाचार:  फेरी बढ्यो सुनको मूल्य, तोलाको कति?

आज कारोबारमा आएका १२ वटा उपसमूहमध्ये ४ वटा उपसमूहको सूचक सकारात्मक देखिएको छ भने बाँकी ८ उपसमूहको सूचक नकारात्मक देखिएको छ।

मंगलबार नबिल बैंकको सबैभन्दा धेरै ५३ करोड रुपैयाँ बराबरको शेयर कारोबार भएको छ भने शिवम् सिमेन्टको २७ करोड ९३ लाख, ग्लोबल आईएमई बैंकको २३ करोड ५० लाख, हिमालयन डिस्टिलरीको २० करोड र नेपाल लाइफको झण्डै १९ करोड रुपैयाँ बराबरको शेयर कारोबार भएको छ।

मंगलबार नागरिक लगानी कोषको शेयर मूल्य सबैभन्दा धेरै ९. ९९ प्रतिशतले बढेको छ भने नारायणी डेभलपमेन्ट बैंकको पनि ९. ९८ प्रतिशत र हिमालयन जनरल इन्स्योरेन्सको ७. ५० प्रतिशतले बढेको छ।

यता मल्टिपर्पोज फाइनान्सको शेयर मूल्य सबैभन्दा धेरै ६ प्रतिशतले घटेको छ भने सेन्ट्रल फाइनान्सको ४. ०९ प्रतिशत, मितेरी डेभलपमेन्ट बैंकको ३. ८६ प्रतिशत, युनाइटेड इदी मर्दीको ३. ७७ प्रतिशत र राधी हाइड्रोको ३. ७७ प्रतिशतले घटेको छ।