डब्ल्युएचओको छानविन टोलीले पाएन चीन प्रवेशको स्वीकृत

काठमाडौं। विश्व स्वास्थ्य संगठन डब्लुएचओले परिचालन गरेको अन्तर्राष्ट्रिय विज्ञहरूको टोलीलाई छानविनका लागि चीनले स्वीकृत नदिएपछि डब्लुएचओ प्रमुखले निराशा व्यक्त गरेका छन्। १० सदस्यीय छानविन समितिका दुई जनाले यसअघि नै यात्रा सुरु गरेका थिए, यद्यपि उनीहरूलाई चीनमा प्रवेशको स्वीकृति नमिलेको समाचार भर्खरै सार्वजनिक भएको छ। डब्लूएचओका महानिर्देशक टेडरोस अधानोम गिब्रियसअसले यसबारे मंगलबार जानकारी दिएका हुन्।

‘चिनियाँ अधिकारीहरूले टिमको चीन आगमनका लागि आवश्यक स्विकृतिको टुंगो अझै नलगाइसकेको जानकारी हामीलाई प्राप्त भएको छ,’ उनले भने। डब्लुएचओ, चीन र ट्रान्जिटमा पर्ने देशहरुले यसअघि संयोजनका लागि सहकार्य गरेको पनि उनले बताए। ‘म वरिष्ठ चिनियाँ अधिकारीहरुसँग सम्पर्कमा छु र एकपटक फेरि यो स्पष्ट पारेको छु कि डब्लुएचओ र अन्तर्राष्ट्रिय टोलीका लागि यो भ्रमण महत्वपूर्ण छ। मलाई यो आश्वस्त पारिएको छ कि चीनले सुरुवातमा परिचालित भएका छानविनकर्ताहरुका लागि आन्तरिक प्रक्रिया सहज बनाउँदैछ,’ उनले भने।स्वीकृतिस्वीकृति

यात्रा सुरु गरेका दुईमध्ये एकजना छानविनकर्ता अनुमति नपाएपछि फर्किइसकेका छन् भने अर्का छानविनकर्ता तेस्रो देशमा छन्,’ डब्लूएचओका इमर्जेन्सीज चिफ माइक रायनले भने,‘मलाई लाग्छ यो केवल लजिस्टिक र प्रशासनिक मुदा हो, जसलाई निकै चाडैं समाधान गर्न सकिन्छ।’

डब्ल्युएचओका जनावर रोग विशेषज्ञ पिटर बेन इम्बारेकको नेतृत्वमा गएको टोलीले उहानको भ्रमण गर्ने अपेक्षा गरिएको छ, उहानमा सन् २०१९ मा कोरोना भाइरसको पहिलो बिरामी पत्ता लगाएका थिए। भाइरसको फैलावट कहाँबाट सुरु भयो भनेर पत्ता लगाउनका लागि अनुसन्धान टोलीले त्यहाँ छानविन गर्दैछ।

विश्वभर ८ करोड ६२ लाख जनसङ्ख्यामा कोरोना पहिचान भइसकेको छ भने १८ लाख ९५ हजारभन्दा धेरैले यस भाइरसका कारण ज्यान गुमाइसकेका छ। तर, भ्याक्सिनको स्वीकृतिले यो भाइरसलाई नियन्त्रणमा ल्याउनसक्ने आशा गरिएको छ।

अन्य सम्बन्धित समाचार:  इन्डोनेसियामा ज्वालामुखी विस्फोट