देशभर ४०९ सङ्क्रमित थपिए: ४९५ डिस्चार्ज

२६६

काठमाडौं। नेपालमा थप ४०९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर उक्त संख्यामा संक्रमित थपिएका हुन्। योसँगै नेपालमा कोरोना संक्रमितको संख्या २ लाख ६३ हजार १९३ पुगेको छ।

यस्तै थप ४९५ जना कोरोना संक्रमित उपचारपछि डिस्चार्ज भएका छन्। योसँगै नेपालमा कोरोना निको हुनेको संख्या २ लाख ५६ हजार १६१ पुगेको छ।

हाल देशभर ५ हजार १ सय ३३ जना सक्रिय संक्रमित छन् जसमध्ये ३ सय ४२ जना क्वारेन्टाइनमा रहेको मन्त्रालयले जनाएको छ।

पछिल्लो २४ घण्टामा थप ६ जनाको मृत्यु भएको छ। योसहित कोरोना संक्रमणबाट मृत्यु हुनेको संख्या १ हजार ८९९ पुगेको मन्त्रालयले जनाएको छ।
अन्य सम्बन्धित समाचार:  बेलायतको राजदूतमा लोकदर्शन रेग्मी नियुक्त