शिक्षक सेवा आयोगको अध्यक्षमा रेग्मी सिफारिस

काठमाडौं। शिक्षक सेवा आयोगको अध्यक्ष पदमा नियुक्तिका लागि पूर्व शिक्षा सचिव मधुप्रसाद रेग्मीलाई सिफारिस गरिएको छ।

आयोगको सदस्यमा डिल्लीराम रिमाल र नन्दकुमारी महर्जनलाई सिफारिस गरिएको छ।

सरकारले लोक सेवा आयोगका अध्यक्ष उमेशप्रसाद मैनाली नेतृत्वको छनोट समितिलाई शिक्षक सेवा आयोगको अध्यक्ष र सदस्यमा खुल्ला प्रतिस्पर्धाबाट छनोट गरी सिफारिस गर्न जिम्मा दिएको थियो।

उक्त समितिले दरखास्त र अवधारणापत्रको आधारमा पहिलो सूची तयार पारेको थियो। दोस्रो चरणमा तयार पारिएको सूची अनुसार नियुत्तीका लागि शिक्षा मन्त्रालयले मन्त्रिपरिषद्मा प्रस्ताव पेश गर्ने बताइएको छ।

पदाधिकारीको नियुक्ति ५ वर्षका लागि हुनेछ। अध्यक्षका लागि खगराज पौडेल, लक्ष्मीराम पौडेल र विनोद केसी आकांक्षी थिए।

अन्य सम्बन्धित समाचार:  त्रिविका आंशिक प्राध्यापकहरुले सम्झौताअनुसारकै पारिश्रमिक पाउने

सदस्यमा गीता शिवाकोटी खरेल, झमक प्रसाद शर्मा, पवित्रा सुवेदी र भक्तबहादुर ढकालले पनि आवेदन दिएका थिए।