२९९औँ पृथ्वी जयन्ती तथा राष्ट्रिय एकता दिवस मनाइँदै

काठमाडौं। २९९औँ पृथ्वी जयन्ती तथा राष्ट्रिय एकता दिवस आज (सोमबार)  विभिन्न कार्यक्रम गरेर मनाईंदैछ। १७७९ साल पुस २७ गते गोरखामा जन्मिएका पृथ्वीनारायण शाहलाई नेपाल एकीकरणका नायकका रुपमा मान्ने गरिन्छ। उनले त्यसबेला बाइसे, चौविसे लगायत धेरै राज्यमा विभाजित नेपालको भूगोललाई एकीकरण गरेका थिए।

यहि योगदानको कदर गर्दै २७ पुसलाई पृथ्वी जयन्तीका रुपमा मनाउने गरिएको छ। पृथ्वी जयन्ती तथा राष्ट्रिय एकता दिवस मुल समारोह समितिले सोमबार विशेष कार्यक्रम गरेर पृथ्वी जयन्ती मनाउँदै छ।

२००७ सालपछि देशमा राष्ट्रिय एकता दिवस मनाउन थालिए पनि २०६२/०६३ सालको आन्दोलनपछि सरकारी स्तरबाट राष्ट्रिय एकता दिवसलाई खारेज गरिएको हो। सरकारले पृथ्वी जयन्ती र राष्ट्रिय एकता दिवस मनाउन छाडे पनि नागरिक स्तरबाट भने विभिन्न कार्यक्रम भने हरेक वर्ष हुने गरेका छन्।

अन्य सम्बन्धित समाचार:  सम्पादकहरुसँग माफी माग्न महेश बस्नेतलाई प्रेस युनियनको आग्रह