‘स्पुत्निक-भी’ खोप नेपाललाई उपलब्ध गराउन रुस तयार

स्पुत्निक-भी

एजेन्सी। रुसले कोरोना भाइरस विरुद्धको ‘स्पुत्निक–भी’ नामक दुई करोड ५० लाख डोज खोप नेपाललाई उपलब्ध गराउन तयार रहेको बताएको छ।

रुसको विदेश मन्त्रालयले आफूहरु स्पुत्निक-भी खोप नेपाललाई सकेसम्म चाँडो उपलब्ध गराउन तयार रहेको बताएको अन्तर्राष्ट्रिय समाचार संस्था रोयटर्सले जनाएको छ।
स्पुत्निक-भी खोप रुसले विकास गरेको खोप हो । यो खोप रुस, बेलारुस, अर्जेन्टिना लगायतका देशले प्रयोग गर्न थालिसकेका छन्।

यो खोप ५० भन्दा बढी देशले झण्डै डेढ अर्ब डोज माग गरिसकेका रुसले जनाएको छ। रुसले स्पुत्निक–भी खोपको चिकित्सकीय परीक्षण गर्दा ९५ प्रतिशत प्रभावकारी देखिएको दावी रुसले गरेको छ। खोपको मूल्य अन्तर्राष्ट्रिय बजारमा प्रतिडोज १० अमेरिकी डलर पर्ने रुसले जनाएको छ।

अन्य सम्बन्धित समाचार:  कोरोनाको नयाँ प्रजाति पहिलेको भन्दा धेरै खतरनाक: ब्रिटिश प्रधानमन्त्री जोनसन