पीएम कप: आर्मीलाई ६ रनले हराउँदै एपीएफ क्लब समूह विजेता

आर्मी

काठमाडौं। पीएम कप अन्तर्गत एपीएफ क्लबले त्रिभुवन आर्मी क्लबलाई ६ रनले हराउँदै समूह विजेता बनेको छ।

जितका लागि २ सय ४१ रनको लक्ष्य पाएको आर्मी क्लबले निर्धारित ५० ओभरमा ८ विकेटको क्षतिमा २३४ रन मात्र बनाउन सक्यो। आर्मीका अनिल मण्डलले ४५, राजेश पुलामीले ३३ र राेहित पाैडेलले ३० रन बनाए।

बलिङतर्फ एपीएफका कमल ऐरीले ३, भुवन कार्कीले २ तथा अविनाश बाेहराले १ विकेट लिए।

यसअघि, कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको एपीएफले ४९ ओभर ४ बलमा अलआउट हुँदै २ सय ४० रन बनायो। एपीएफका लागि सुमित महर्जनले सर्वाधिक ४६, सुवास खकुरेलले ३८, सन्दीप जोराले २८, कप्तान शरद भेषवाकरले २४, वसन्त रेग्मीले २० तथा अमर सिंह रौटेलाले २६ रन बनाए।

अन्य सम्बन्धित समाचार:  ‘बी’ डिभिजन लिगः आजपनि दुई खेल हुँदै

बलिङतर्फ आर्मीका हरि चौहानले ५, साहब आलमले २ तथा आकाश चन्द, सुशन भारी र बिक्रम सोबले १-१ विकेट लिए।

समूह ‘ए’ मा रहेका दुवै टिम सेमिफाइनलमा प्रवेश गरिसकेका छन्।