शहीदहरूप्रति श्रद्धाञ्जली अर्पण (फोटो फिचर)

काठमाडौं। विभिन्न न्यायपूर्ण आन्दोलनमा ज्‍यान गुमाएका ज्ञात अज्ञात शहीदहरुको सम्झनामा विभिन्न कार्यक्रम गरी शहीद दिवस मनाइएको छ। शहीद सप्ताहको अन्तिम दिन शुक्रबार काठमाडौंको लैनचौरस्थित शहीद स्मारकमा ज्ञातअज्ञात शहीदहरुप्रति श्रद्धाञ्जलि अर्पण गरिएको हो।

प्रधानमन्त्री केपी शर्मा ओली पनि शहीदहरुप्रति सम्मान अर्पण गर्न लैनचौर पुगेका थिए। सभामा उपप्रधानमन्त्री ईश्वर पोखरेल, गृहमन्त्री रामबहादुर थापा, उद्योग, वाणिज्य तथा आपूर्तिमन्त्री लेखराज भट्ट, शहरी विकास राज्यमन्त्री रामवीर मानन्धर, जनप्रतिनिधि, सरकारका उच्चपदस्थ पदाधिकारी, प्रधान सेनापति, प्रहरी महानिरीक्षक, सशस्त्र प्रहरी महानिरीक्षक, सर्वसाधारणलगायतको सहभागिता थियो। सभा हुनुअघि रत्नपार्क शान्तिवाटिकामा भेला भई बाजागाजासहित लैनचौरसम्म प्रभातफेरी गरिएको थियो। कार्यक्रममा नेपाली सेनाको टुकडीले शहीदप्रति सलामी चढाएको थियो।

अन्य सम्बन्धित समाचार:  वीर अस्पतालमा कोरोना अस्पताल सञ्चालनको तयारी

राणाशासनविरुद्ध प्रजातन्त्रका लागि ज्यान अर्पण गर्ने शुक्रराज शास्त्री, धर्मभक्त माथेमा, गङ्गालाल श्रेष्ठ र दशरथ चन्दले १९९७ सालमा मृत्युदण्ड पाएपछि उनीहरुको स्मरणमा शहीद दिवस मनाउने गरिएको छ।

राणाशासकले शुक्रराज शास्त्रीलाई माघ १० गते टेकु पचलीस्थित खरीबोट, र धर्मभक्त माथेमालाई सिफल तथा माघ १५ गते चन्द र श्रेष्ठलाई विष्णुमती नदी किनार शोभा भगवतीमा मृत्युदण्ड दिएका थिए चार शहीदको सम्झनामा काठमाडौं महानगरपालिकाले पूर्णकदको प्रतिमा स्थापना गरिसकेको छ।

शहीद दिवसको अवसरमा आयोजित कार्यक्रममा प्रधानमन्त्री ओलीले शहीदको सपना साकार पार्नकै लागि सरकार निरन्तर क्रियाशील रहेको बताए। प्रधानमन्त्री ओलीले शहीदको बलिदानले नै जनतालाई अधिकारसम्पन्न बनाएको र लोकतन्त्रलाई संस्थागत गर्न योगदान पुगेको बताए।

अन्य सम्बन्धित समाचार:  एकै दिनमा ९,१९६ जनामा कोरोना संक्रमण पुष्टि

थप तस्वीर हेर्नुहोस्

तस्वीरः रासस