डडेल्धुराका कैदीबन्दीलाई कोरोना विरुद्धको खोप

डडेल्धुरा। जिल्ला कारागार डडेल्धुरामा रहेका ८८ जनालाई कोरोना भाइरस विरुद्धको खोप लगाइएको छ। कारागारमा बन्दी जीवनयापन गरिरहेका ६९ जना कैदीबन्दी तथा उनीहरूको सुरक्षाका लागि खटिएका १९ सुरक्षाकर्मीलाई खोप लगाइएको। जिल्ला स्वास्थ्य कार्यालय डडेल्धुराका कोभिड सम्पर्क व्यक्ति हरिप्रसाद भट्टले बताए।

कारागारमा सुरक्षाकर्मी र कैदीबन्दी गरी ९३ रहेका थिए जसमध्ये १० महिला र ८३ पुरुष कैदीबन्दी छन्। उनीहरूमध्ये पनि २४ कैदीबन्दीले उक्त खोप लगाउन नमानेको कोभिड सम्पर्क व्यक्ति भट्टले जानकारी दिए। उनले भने, “कारागारमा रहेका कैदीबन्दीलाई कोरोना विरुद्धको खोप लगाउन सुरु गरेका थियौँ तर, २४ बन्दीले लगाउन मानेनन्, उनीहरूलाई पनि लगाउन आग्रह गरिरहेका छौँ।”

पहिलो चरणमा कोरोना नियन्त्रणका लागि डडेल्धुराका फ्रन्टलाइनमा काम गर्ने एक हजार २० स्वास्थ्यकर्मी, कर्मचारीलाई, कैदीबन्दीसहित सुरक्षाकर्मीलाई पनि खोप लगाइएको जिल्ला स्वास्थ्य कार्यालय डडेल्धुराका प्रमुख आशुतोष श्रेष्ठले जानकारी दिए।

अन्य सम्बन्धित समाचार:  एक सय ६५ सांसदले कोरोनाको खोप लगाए