पर्सामा तस्कर र सशस्त्र प्रहरीबीच झडप, दुई प्रहरी घाइते

पर्सा। पर्सामा बालुवा तस्कर र प्रहरीबीच झडप भएको छ। जिल्लाको जगन्नाथपुर गाउँपालिका–१ को ओरिया खोलामा बालुवा झिक्न नेपालपट्टीको दसगजा क्षेत्रमा आएका तस्करहरूसँग प्रहरीको झडप भएको थियो।

बालुवा तस्करी भइरहेको सूचनाका आधारमा पुगेको सशस्त्र प्रहरी टोली र तस्करबीच झडप भएको हो। झडपमा परी सशस्त्र प्रहरीका दुई जवान घाइते भएका छन्। घाइते भएका जवान मुकेश यादव र अयुव यादवलाई नारायणी उपक्षेत्रीय अस्पतालमा उपचारका लागि लगिएको प्रदेश २ का सशस्त्र प्रहरी नायब महानिरीक्षक चन्द्रप्रकाश गौतमले बताए।

उनका अनुसार पिडारीगुठी र महादेवपट्टीको बोर्डर आउट पोस्टबाट प्रहरी टोली तस्करी नियन्त्रणका लागि गएका थिए। सुरूमा पाँच–सात जनाको संख्यामा पारिबाट मानिस आएका थिए। तीन वटा ट्याक्टरसहित आएका उनीहरूलाई लखेट्न सशस्त्र प्रहरी गएका थिए।

अन्य सम्बन्धित समाचार:  पशुपतिमा जलहरी राखिसकेपछि सर्वोच्चले भन्यो–जलहरी नराख्नू

‘लखेट्ने क्रममा अन्य २५ जना बढी मानिस आए, प्रहरीले बेल्चा खोसेर तस्करलाई भारततिरै लखेटेको छ,’ गौतमले भने।