तातोपानी नाका पुनः सञ्चालनमा

काठमाडौं। एक सातादेखि बन्द अवस्थामा रहेको तातोपानी नाका पुनः सञ्चालनमा आएको छ। नाका खुलेसँगै अब व्यवसायीहरुले चाहे जति सामान तातोपानी नाकाबाट भित्र्याउन सक्ने तातोपानी भन्सार कार्यालयले जनाएको छ।

सोमबारबाट खुलेको नाकाबाट ८ वटा कन्टेनर नेपाली व्यवसायीको सामान लिएर आउँदै गरेको तातोपानी भन्सार कार्यालय प्रमुख लालबहादुर खत्रीले जानकारी दिए।

माघ ३० गते शुक्रबारबाट बन्द भएको नाका आजदेखि पुनः सञ्चालनमा आएको खत्रीले जानकारी दिए। नाका खुलेसँगै अब नेपाल भित्रिने कन्टेनरको कोटा पनि हटेको खत्रीले बताए।

अन्य सम्बन्धित समाचार:  राजस्व हिनामिना आरोपमा मालपोतका तत्कालीन लेखा अधिकृत पक्राउ