सेयर बजारमा २१ अंकको गिरावट

काठमाडौं। नेपाल स्टक एक्सचेञ्ज (नेप्से) मंगलबार २१ अंकले घटेको छ। कारोबार भएकामध्ये ११ समूहमा गिरावट आउँदा परिसूचक दोहोरो अंकले घटेको हो। कारोबार सुरु भएदेखि नै घट्न थालेको बजारमा ८८ अंकसम्मको गिरावट आएको थियो। त्यसपछि नागबेली चालमा उकालो ओरालो गर्दै अन्तिममा केही सम्हालिँदै २१ अंक घटेर बन्द भएको जनाइएको छ।

सो क्रममा व्यापार पक्ष अन्तिम समयमा २६ अंकले सुधारिएको छ। यो बाहेक अन्य सबै पक्षमा गिरावट आएको छ। त्यसमा पनि बैंक र वित्त पक्षबाहेक अन्य सबै समूह दोहोरो अंकले घटेका छन्। बजार दोहोरो अंकले घटेको दिन आठ अर्ब ५६ करोड रूपैयाँ बराबरको सेयर कारोबार भएको छ। यस्तै, आज एक करोड ७७ लाख कित्ता सेयर किनबेच भएको छ।

अन्य सम्बन्धित समाचार:  नेप्से ५९.७० अंकले घट्यो