भारत: कोरोनाको नयाँ स्ट्रेन १८ राज्यमा

काठमाडौं। भारतमा कारोना भाइरसको नयाँ स्ट्रेन १८ राज्यमा फैलिइसकेको छ। जसमा महाराष्ट्र, केरल, तेलंगाना, आन्ध्र प्रदेश, असम, पश्चिम बंगाल, तमिलनाडु, पंजाब लगायत रहेका छन्।

यो कोरोनाको स्ट्रेन बेलायत, दक्षिण अफ्रिका र ब्रजिलबाट आएको हो। अहिलेसम्म भारतमा १९४ जनामा नयाँ स्ट्रेन देखिएको छ।

नरेन्द्र मोदी नेतृत्वको केन्द्रीय स्वास्थ्य मन्त्रालयका अनुसार १९४ मध्ये १८७ जनामा बेलायतको भेरियन्टसँग मिलेको छ। ६ जना दक्षिणी अफ्रिका र ब्रजिलका १ जनाको स्ट्रेन मिलेको छ।

पछिल्लो समय भारतमा कोरोनाका संक्रमित बढेका छन्। शुक्रबार मात्रै १६ हजार १९ जना संक्रमित थपिँदा १२ हजार ३६१ कोरोनामुक्त भएका छन्। १०९ जनाको ज्यान गएको छ।