देशभर थप ८१ जनामा कोरोना संक्रमण पुष्टि

देशभर

काठमाडौं । पछिल्लो २४ घण्टामा देशभर थप ८१ जनामा कोरोना संक्रमण पुष्टि भएको छ। यो संगै हालसम्म देशभर २ लाख ७४ हजार ६५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार आज देशभर ६२ जना कोरोना संक्रमित निको भएका छन् भने हाल देशभर ९६७ जना सक्रिय कोरोना संक्रमित रहेका छन्। साथै आज देशभर २ जना कोरोना संक्रमितको मृत्यु भएको छ भने यो संगै हालसम्म २ हजार ७७३ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ।