निजी वन सम्बन्धी कानुन सरलीकृत गरिन्छः मन्त्री आले

काठमाडौं। वन तथा वातावरण मन्त्री प्रेमबहादुर आलेले निजी वन सम्बन्धी कानुनलाई सरलीकृत गर्दै किसानमैत्री बनाउने बताए। आज पारिवारिक निजी वन संघ, नेपालको सातौँ स्थापना दिवसको अवसरमा वनमन्त्री आलेले निजी वनसँग सम्बन्धित कानुनी उल्झनका कारण किसानहरुले दुःख पाएको भन्दै निजी वन पैदावारको काठ कटान, ओसार पसार, विक्री वितरण र उपयोग सम्बन्धी कानुनलाई सरलीकृत गर्दै किसानमैत्री बनाउने बताएका हुन्।

आगामी आर्थिक वर्षमा निजी वनको प्रबर्धनका लागि विशेष कार्यक्रम ल्याउने उपनि उनको भनाइ छ। निजी वन उद्यमीहरुलाई सहुलियतपूर्ण ऋणका लागि पनि आवश्यक कदम चालिने उनले जानकारी दिए।