अनौठो रोगले चार दिदीबहिनी बिरामी

इलाम। अनौठो रोगका कारण यहाँको एकैघरका चार जना बिरामी परेका छन्। चिच्याउने, कराउने, उफ्रिने खालको अनौठो रोगबाट फाकफोकथुम गाउँपालिका–१ ठिङगेपुरका दिदीबहिनी बिरामी परेका हुन्।

होमबहादुर निरौला र उमा निरौलाका छ छोरी छन्। जेठी कोपिला र कान्छी सुशीलाबाहेक सबै अनौठो रोगबाटपीडित भएका छन्। माइली डिल्लीमाया निरौला ९बोहोरा०, साइली चन्द्रकला निरौला (खडका), काइली नैनकला निरौला र अन्तरी जेनिसा निरौला बिरामी परेका हुन्।

नैनकला गत पुसदेखि नै यस्तो खालको रोगबाट पीडित छन्। “उपचारका लागि इलाम अस्पताल, झापाहुँदै काठमाडौँसम्म लगियो बिराम केही पत्ता लागेन”, आमा उमाले गहभरी आँशु पार्दै भने, “बुढेसकालका साहारा छोरी नै यसरी बिरामी भएपछि कसरी बाँचु।”

अन्य सम्बन्धित समाचार:  विद्यार्थीमा कोरोना देखिएपछि विराटनगरका विद्यालय एक साता बन्द

घरमा रोगले छोरीलाई चापेपछि बुबा होमबहादुरले दुई जनालाई उपचारमा लगेका छन्। उपचार गराउँदासमेत रोग पत्ता नलागेपछि घर नै लिएर आउँदै हुनुहुन्छ। सबै एकैपटक बिरामी हुँदा थाम्नसमेत मुस्किल पर्छ। यथार्थमा के हो भन्ने कुरा पत्ता नलाग्दा समस्या जटिल बनेको वडाध्यक्ष टेकवीर नेम्वाङ बताउनुहुन्छ।