कर्णाली प्रदेशका तीन मन्त्रीले संयुक्त रुपमा दिए राजीनामा

सुर्खेत। एमालेबाट कर्णाली प्रदेश सरकारमा सहभागी भएका तीन मन्त्रीले आज संयुक्त रुपमा राजीनामा दिएका छन्। राजीनामा दिनेमा आर्थिक मामिला मन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरण मन्त्री नन्दसिंह बुढा रहेका छन्। उनीहरुले मुख्यमन्त्री महेन्द्रबहादुर शाहीसमक्ष राजीनामा बुझाएका छन्।

कर्णालीमा एमालेले एकल सरकार बनाउने योजनासहित आफ्ना मन्त्रीहरुलाई राजीनामा दिन आग्रह गरेको थियो। सोमबार नै राजीनामा दिने भनिएपनि मन्त्रीहरुले आज राजीनामा दिएका हुन्। आइतबार बसेको एमाले संसदीय दलको बैठकले राजीनामा दिने निर्णय गरेको थियो भने चैत ४ गते सो पार्टीले कर्णाली प्रदेश सरकारलाई दिएको समर्थन फिर्ता लिने निर्णय गरेको थियो।

अन्य सम्बन्धित समाचार:  माओवादीका प्रदेश प्रमुखले एमालेलाई सघाए